မိုးရာသီတွင် ရာသီဉတု စိုထိုင်းဆ ပိုမိုများလာတာနှင့်အမျှ လုပ်ငန်းသုံးမီးစက်တွေကို ပုံမှန်ပြုပြင်ထိန်းသိမ်းမှုတွေ မလုပ်တဲ့အခါ ချို့ယွင်းချက်တွေ ရှိလာနိုင်ပါတယ်။ မိုးရာသီမှာ အဖြစ်များတဲ့ စိုထိုင်းဆများခြင်း၊ မိုးရေဝင်ခြင်း နှင့် အခြားသော Error အသေးလေးတွေက မီးစက်တွေရဲ့ Engine သက်တမ်းနှင့် Performance ကို များစွာ ထိခိုက်ပျက်စီးစေပါတယ်။ ဒီလိုထိခိုက်ပျက်စီးမှုတွေမှတစ်ဆင့် မီးစက်နှိုးမရခြင်း ၊ အင်ဂျင်ချို့ယွင်းခြင်း ၊ ဆီစားနှုန်းများလာခြင်းတို့ အပြင် မီးလောင်မှုအန္တရာယ်အထိ ဖြစ်စေနိုင်တဲ့ ဝါယာရှော့ဖြစ်ခြင်း တို့ကိုပါ ဖြစ်စေနိုင်ပါတယ်။ ယခုလို ရာသီဉတုအပြောင်းအလဲပေါ်မူတည်ပြီး ဖြစ်တတ်တဲ့ Error တွေကို လျော့နည်းစေကာ မိမိတို့ လုပ်ငန်းခွင်မှာ မီးစက်တွေကို အန္တရာယ်ကင်းကင်း လိုအပ်တဲ့အချိန်တိုင်းအသုံးပြုနိုင်ပြီး Operation တွေ ပုံမှန်လည်ပတ်စေရန် ပြုလုပ်သင့်တဲ့ ထိန်းသိမ်းပြုပြင်မှုတွေကို မျှဝေပေးချင်ပါတယ်။

💠 မီးစက်ထားရှိတဲ့နေရာကို စစ်ဆေးခြင်း

မိုးရာသီအတွက် မီးစက်တွေကို ပြုပြင်ထိန်းသိမ်းမှုတွေမလုပ်ခင် ပထမဦးစားပေး စစ်ဆေးရမှာက မီးစက်ထားရှိတဲ့ နေရာပဲ ဖြစ်ပါတယ်။ မီးစက်တွေက စက်ပစ္စည်းဖြစ်တဲ့ အလျောက် မီးစက်ထားရှိတဲ့ နေရာတွေမှာ မိုးမလုံခြင်း၊ စိုထိုင်းဆများခြင်း နှင့် မိုးသည်းထန်စွာရွာတဲ့အခါ ရေဝင်ခြင်း စတဲ့ အကြောင်းအရာတွေကိုလဲ မဖြစ်စေဖို့ အထူးသတိပြု စစ်ဆေးရန် လိုအပ်ပါတယ်။ မိုးရေဝင်ခြင်းကြောင့် ဖြစ်လာနိုင်တဲ့ စက်ပျက်စီးမှုနှင့် အန္တရာယ်များကို မကြုံတွေ့ရစေရန် မီးစက်ထားရှိတဲ့ နေရာများကို မိုးရေမဝင်နိုင်တဲ့ ခိုင်ခံ့လုံခြုံသော အမိုးအကာအောက်မှာထားရှိခြင်း၊ လေဝင်လေ‌ထွက်ကောင်းအောင် ပြုလုပ်ပေးခြင်း နှင့် မိုးများတာကြောင့် ရေဝင်လာတတ်တဲ့ အခြေအနေများအတွက် elevated platform များပြုလုပ်ထားရှိခြင်း တို့ကို ဆောင်ရွက်သင့်ပါတယ်။

💠 Battery များကို ပုံမှန် စစ်ဆေးပေးခြင်း

Battery ဆိုတာက မီးစက်မှာ Starter Motor အဖြစ်အသုံးပြုတာဖြစ်တဲ့အတွက် ပုံမှန်စစ်ဆေးမှုတွေထဲမှာ လုံးဝမမေ့လျော့သင့်တဲ့ အစိတ်အပိုင်းတစ်ခုပဲ ဖြစ်ပါတယ်။ မိုးရာသီမှာ Battery Terminal များခြောက်သွေ့စေရန်နှင့် သံချေးတက်မှုကို ကာကွယ်နိုင်စေရန် grease တင်ခြင်းနှင့် ပုံမှန်သန့်ရှင်းရေးပြုလုပ်ပေးသင့်ပါတယ်။ ဒါ့အပြင် Battery ပုံမှန်စစ်ဆေးမှုတွေ ဖြစ်တဲ့ Battery Voltage နှင့် Electrolyte level/ Acid level တို့ကို စစ်ဆေးပေးခြင်း၊ Battery ရဲ့ Charging System များကို စစ်ဆေးပေးခြင်း တို့ကိုလည်း ပုံမှန်ပြုလုပ်ပေးသင့်ပါတယ်။

💠 Cooling System များကို ပုံမှန်စစ်ဆေးမှုများ ပြုလုပ်ပေးခြင်း

မီးစက်တွေကို ထိန်းသိမ်းစောင့်ရှောက်တဲ့ Maintenance တွေ ပြုလုပ်တဲ့အခါ Cooling System တွေက ဘယ်လိုရာသီဉတုမှာဖြစ်ဖြစ် လုံးဝမေ့ထားလို့မရတဲ့ အစိတ်အပိုင်းတွေပဲ ဖြစ်ပါတယ်။ မိုးရာသီမှာ မီးစက်ရဲ့ Cooling System တွေမှာဆိုရင်

🔹 မီးစက်ရဲ့ ရေတိုင်ကီ (Radiator) အတွင်းရှိ Coolant Level စစ်ဆေးခြင်း

🔸 Radiator အတွင်းပိုင်းမှာရှိတဲ့ Rubber Hose များ ချို့ယွင်းမှုမရှိ စစ်ဆေးခြင်း

🔹 ပန်ကာကြိုး (Fun Belt) ၏ Tension နှင့် ပန်ကာဒလက်များ ချောင်မချောင် စစ်ဆေးခြင်း

🔸 Water Pump ပုံမှန် အလုပ်လုပ်ခြင်း ရှိမရှိ စစ်ဆေးခြင်း နှင့်

🔹 မီးစက်မောင်းနှင်တဲ့အခါ ထွက်ရှိလာတဲ့ အသံ ပုံမှန်ဖြစ်မဖြစ် စစ်ဆေးခြင်းတို့ကို မိမိတို့ကိုယ်တိုင် ပုံမှန်ပြုလုပ် စစ်ဆေးပေးနိုင်ပါတယ်။

💠 Fuel System များကို စစ်ဆေးပေးခြင်း

မီးစက်ရဲ့ Fuel Tank ထဲမှာ မိုးရေဝင်ခြင်းနှင့် ငွေ့ရည်ဖွဲ့ခြင်းတို့ကလည်း မိုးရာသီအတွင်း မီးစက်တွေမှာ အဖြစ်များတဲ့ Error တွေပဲ ဖြစ်ပါတယ်။ မိုးရာသီမှာ မီးစက်ထားရှိရာနေရာက အမိုးအကာလုံခြုံ ခိုင်ခံခြင်းရှိဖို့ လိုအပ်သလို Fuel tank cap တွေကိုလည်း မိုးရေမဝင်နိုင်ဖို့အတွက် ကောင်းစွာ စစ်ဆေးထားသင့်ပါတယ်။ ရာသီဉတုစိုစွတ်မှုနဲ့ အအေးဓာတ်ပိုခြင်းတို့ကြောင့် ဖြစ်တတ်တဲ့ fuel Tank အတွင်း Condensation (ငွေ့ရည်ဖွဲ့ခြင်း) နှင့် Air Space ကိုလျှော့ချနိုင်ဖို့အတွက် လောင်စာဆီများကို Tank ရဲ့ တစ်ဝက်ထက်မနည်း ဖြည့်ထားခြင်းကို ပြုလုပ်နိုင်ပါတယ်။

💠 မီးစက်ရဲ့ Electrical System များကို စစ်ဆေးပေးခြင်း

မိုးရာသီမှာ စိုထိုင်းဆကြောင့် မီးစက်အတွင်းမှာရှိတဲ့ အစိတ်အပိုင်းတစ်ခုချင်းစီတိုင်းမှာ Error ရှိ မရှိ အသေးစိတ်စစ်ဆေးပေးဖို့ လိုအပ်သလို ဝိုင်ယာရှော့ဖြစ်ခြင်းနှင့် မီးဘေးအန္တရာယ်များကို ကာကွယ်နိုင်ဖို့အတွက် မီးစက်ရဲ့ Electrical System တွေဖြစ်တဲ့ Circuit Breakers များချို့ယွင်းမှု ရှိမရှိ စစ်ဆေးခြင်း ၊ Extension cables များ ပေါက်ပြဲနေမှု ရှိမရှိစစ်ဆေးခြင်းတို့ကို ပုံမှန်သတိပြု ဆောင်ရွက်သင့်ပါတယ်။ ဒါ့အပြင် မီးစက်က ထွက်ရှိလာတဲ့ Load နှင့် အသုံးပြုထားတဲ့ လျှပ်စစ်ပစ္စည်းများ ခြောက်သွေ့စေဖို့လည်း အထူးသတိပြုစစ်ဆေးရန် လိုအပ်ပါတယ်။

💠 မီးစက်ကို မကြာခဏ မောင်းနှင်ပေးခြင်း

မိုးရာသီမှာ စိုထိုင်းဆများခြင်းနှင့် အပူချိန်လျော့နည်းခြင်းတို့ကြောင့် ဖြစ်တတ်တဲ့ Battery အလုပ်မလုပ်ခြင်း၊ Internal Parts များတွင် သံချေးတက်ခြင်း၊ Fuel System များနှင့် Cooling System များ ဖုန်များကြောင့် ပိတ်ဆို့ခြင်း နှင့် Electrical Error ဖြစ်ခြင်းတို့ကို ကာကွယ်နိုင်စေရန် မီးစက်‌တွေကို အချိန်အကြာကြီး အသုံးမပြုပဲ ထားတာမျိုးမလုပ်ပဲ အနည်းဆုံး တစ်ပတ်ကို တစ်ကြိမ် မောင်းနှင်ပေးသင့်ပါတယ်။

ဒီလို လုပ်ငန်းသုံးမီးစက်များအတွက် အခါအားလျော်စွာ ထိန်းသိမ်းပြုပြင်မှုများကို မှန်ကန်စွာ ပုံမှန်ပြုလုပ်ခြင်းအားဖြင့် မီးစက်မှာ ဖြစ်နေတဲ့ Error များကို အချိန်နဲ့ တပြေးညီသိရှိနိုင်ပြီး ပြုပြင်မှုတွေကိုလဲ အလွယ်တကူ ပြုလုပ်နိုင်မှာပဲဖြစ်လို့ လုပ်ငန်းတွေရဲ့ Operation တွေကို ဘေးအန္တရာယ်ကင်းစွာ ပုံမှန်လည်ပတ်စေနိုင်မှာပဲ ဖြစ်ပါတယ်။ အကယ်၍ လူကြီးမင်းတို့ရဲ့ လုပ်ငန်းသုံးမီးစက်တွေအတွက် ကိုယ်တိုင် ပြုပြင်စစ်ဆေးမှုထက် ပိုတဲ့ Maintenance Service များကို ရယူလိုလျှင်လည်း PTI ရဲ့ Professional Engineer များနှင့် ဖွဲ့စည်းထားတဲ့ PTI Service Team ရဲ့ Hotline – 09 884 100 200 ကို အခုပဲ ဆက်သွယ်ရယူနိူင်ပါတယ်။

𝟎𝟗 𝟒𝟒𝟏 𝟏𝟎𝟎 𝟐𝟎𝟎

𝐏𝐓𝐈 𝐇𝐞𝐚𝐝 𝐎𝐟𝐟𝐢𝐜𝐞 : အမှတ်(၁၂၈)၊ ကနောင်မင်းသားကြီးလမ်း၊အရှေ့ဒဂုံစက်မှုဇုန်၊ ရန်ကုန်။

𝐏𝐓𝐈 𝐁𝐫𝐚𝐧𝐜𝐡 𝐎𝐟𝐟𝐢𝐜𝐞 : ယ(၁/၁၅၇),၇၃လမ်း, ၁၁၂ နဲ့ ၁၁၃ လမ်းကြား, ပြည်ကြီးတံခွန်မြို့နယ်၊မန္တလေးမြို့။

𝐏𝐓𝐈 𝐁𝐫𝐚𝐧𝐜𝐡 𝐎𝐟𝐟𝐢𝐜𝐞 : အမှတ်(၁၇/ခ)၊မြေမြင့်ရပ်ကွက်၊ မြစ်ဆုံဟိုတယ်ဘေး စွယ်တော်လမ်း(ယုဇနဈေးလမ်းနှင့်ပြည်ထောင်စုလမ်းကြား)၊ မြစ်ကြီးနားမြို့၊ ကချင်ပြည်နယ်။

𝐏𝐓𝐈 𝐋𝐚𝐬𝐡𝐢𝐨 𝐁𝐫𝐚𝐧𝐜𝐡 : အမှတ်(၈၆)၊ မိသားစုလမ်းသွယ် ၊နယ်မြေ(၅) ၊ရပ်ကွက်၁၀၊လားရှိုးမြို့

#PTI_Company_Limited

#AKSA_Myanmar

#Generators

#Generators_in_Yangon

#PowerGenerators

#GeneratorsForSaleYangon

#PowerGeneratorsDistributorMyanmar

#Automatic_Transfer_Switch

#မီးစက်